Долакха-Юрта хилар, Хьалхарчар болх лелаберий ишкол
22.03.2024 11:22
«Хьалхарчар болам» яхача ерригача Россе берийи кагирхойи гӀулакха доакъашхота лаьрхӀа кхетаче дӀайихьар Долакха-Юртарча № 3 йолча ишколе. Хьалхарчар болх дӀахьорий ишкол хьайийллар актови зале. Из хоам «Сердало» газетага бир цигарча болхлоша.
«Юххьанца оттадаьча тайпара, яхьаш, ловзараш, халхараш юкъе долаш, дӀадихьар из гӀулакх. Хьалхарчар гулбеннарашта дӀагойтар, аьттонга кхоачаш бола нийса никъ харжар, иштта кхыйола шоай говзалаш. №3 йолча ишкола хьехархоштеи дешархоштеи дицлургдоацача тайпара дӀадахар из ди.
