ГӀалгӀай къаман
юкъара газет

Кердадараш

ГӀалгӀайчен дешархочо хьалхара моттиг яьккхар, Д. И. Менделеева цӀерагӀча яхье

МагӀалбикерча ишкола дешархочо Ӏоахарганаькъан Аишас Ерригроссе Ӏилма-тохкама яхье хьалхара моттиг яьккхар, Д.И. Менделеева цӀерагӀа йола из Москве дӀахьош яр. Из белгалъяьлар «История» яхаш хиннача даькъ тӀа, «Мишта хул турпалхой?» яха болх кхелахошта гойтарца. Исторен, обществознанен хьехархочо Котанаькъан Малейк-хана кулгалдеш кийчо яьча Аишас дика Ӏомабаьбар ший бе беза болх, цудухьа хьалхара моттиг а яьккхар.

«Аишас шийна кӀоаргга дешар ховш хилар а, къамаьл де хара говзал а, хӀаман мах оттабе хара йола начӀал а гойтар кхелахошта. Цу лоархӀаме йолча яхье котало яккхар, къонача тохкамхочун балха чаккхе я, цо ший масалашца хьагойт, Ӏилма, истори дезаш волчунна хьаде могаргдоацаш хӀама цахилар», - аьлар ГӀалгӀайчен Ӏилмани дешареи министерстве. Д.И. Менделеева цӀерагӀа дӀахьош йолча Ерригроссийски Ӏилма-тохкама хьаллоацар я Россе дешара министерство.

Цо хьаллоац Ӏилма-тохкама балхаш дӀадахьара терко еш бола къонабараш, цар начӀал дегӀакхувлаш.

ХӀара шера конкурсе дакъа лоацаш ба ерригача Россера эзараш дешархой, цар гойт шоай тайп-тайпара чулоацам бола балхаш; уж даь хул исторе, литературан, физикан, химе, биологе, экологе доакъош тӀа. Цига котбаьннарий каьхаташ дӀалу «НачӀал, толам» яхача юкъарча дешара ганзага.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде