ГӏалгӀайчен дешархошца, физика езайолийташ, болх бу
«Марем» гимназе семинар хилар, «Физика урок йолча хана дешара- довзара болх берашца дӀахьош», яхаш. Из хоам «Сердало» газетага бир цу балха юкъе дакъа лаьцараша.
Из безам тӀабодаш йола моттиг дӀахьош,берашта гойтар электрически токаца нийслуш дола тамашийна хӀамаш. Зале тайп-тайпара гӀирсаш дар цунца дувзаденна: ток хьаозар мишта хул, болх беш бола генератор, водородах ток хьаяр, динамо-машинка, иштта кхыдараш а.
«Кванториум» яхача Республикански технопарка хьехархочо Абаьданаькъан Мухьмада берий терко тӀаэцар говзанч-хьехам дӀахьош, из хетаяь яр ток дӀаозара даькъ тӀа хулаш долча тайп-тайпарча хьалашта.
«Кванториума кулгалхочо Янданаькъан Салмана, иштта физика лакха ток хьаозача МФТИ лабораторе кулгалхочо Овшанаькъан ТӀахӀира къамаьл дир Московски физико-технически института ишколашта доагӀаш. Цар белгалдир, цу балхо таро луш хилар дика бовзаш болча Ӏилманхошца вӀашагӀкхетар хилийта а Ӏилма оагӀонаш дикагӀа кхетае а.
