«Урок дIахьош, берашта дийцар хьехархоша, турпал яхача деша маIанах, из вахаре мишта гучадоал. Хьехархошта хьаэца а бIагаго а хIама долча тайпара, дIайихьар из урок, цу юкъе интерактивни декхараш а, гойтама материалаш а яр. Президента Путин Владимира, шера баьча балха чаккхе еш, аьлар, кхетам балар - из дикагIа дола масал да. Цудухьа, патриотически кхетам балара даькъ тIа, дукхагIа дувца а гойта а дезар да СВО мугIарашка бIухошта карагIдоалар, цар цига кхоачашдеш дола декхар», - аьлар тхоца къамаьл даьчо. Дешархошта иштта дайзар тахан Донбасс лораеш Россе дIахьош йолча лаьрххIача операцен мугIарашка латтача вай бIухоша даьха толамаш. Хьехархоша иштта дийцар берашта, дIаяхача ханашка вай къаман турпалашта карагIдаьннарех; из, ноахалгара ноахалга а кхоачаш, хьадоагIаш хиларах. Тахан, «ЛоархIаме къамаьл» дIахьош, теркам тIабахийтар турпал яхача цIера, из цIи малагIча толамех лу, сага малагIа оамал гойт цу цIеро. Турпалал, цIаьхха эттача хьалашка гучадаьнна а ца Iеш, моллагIча вахарерча хьалашка а нийслуш да, нагахьа санна моллагIча сага, шийна цунах хулаш хIама а доацаш, бакъда ший са дехка кхычун вахар кIалхардоаккхаш хилча, из турпалал а денал а да.