ГӀалгӀай къаман
юкъара газет

Кердадараш

Ишколашка унахцӀенон бокъонаш Ӏомаю

17.10.2023 14:14

Республикан лораша каст-каста дӀахьу, дешархоша унахцӀено лораергйола хьехамаш ду кхетаченаш. Царех аргӀанаръяр дӀайихьар Наьсарен №1 йолча юкъерча ишколе, шахьара поликлиникан, берий унахцӀенон Центра лора-педиатра Хьаьшанаькъан Зинаидас, хоам бир газетага унахцӀенон министерстве.

Керттера теркам лора тӀабахийтар, ше берашца къамаьл деш, кагирхой дегӀа дозала. Цо берашта хьалхадаьккхар, нагахьа санна бер текха хилча, моллагӀа дола лазар а совдала йиш я, аьнна. Масала, дегӀаца шекар лакха хилар. Дега лазараш, иштта кхыдараш саг тӀехваьнна тоавенна хиларах хул. «Къамаьл деш Хьаьшанаькъан Зинаидас теркам тӀабахийтар, саг дукхагӀа лела везаш хилара, ший дегӀацара цӀено лелаеш хилара. Цо берашта хьалхадаьккхар, каст-каста упражненеш еш а спортацара хьоашал совдоаккхаш а хила, аьнна. Цул совгӀа, фега лелар, адар, наьк деш хилар, даим кулгаш цӀена леладар, уж сапа тохаш дулаш хилар, ханнахьа царгаш цӀенъяр могадир цо. ЦӀенал дукха езаш хуле, цо инфекционни оала лазараш дӀадаржийтац, аьнна, белгалдаьккхар лора», - яхаш дувц тхогарча хоамо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде