«Везаш вола поэт ваь ди долаш, поэтически дешара сайре дӀахьош, Есенин Сергея биографи яйзар, царна дагаухар шоаш Ӏомабаь цун кхоллам. Библиотека болхлочо дийцар берашта, цӀихезача поэта кхолламах, цун вахарах, ший йӀаьха йоацача вахара ханага хьежача, поэта дукха литературан тӀехьале йита хиларах, дукха байташ цун хиларах, кхы а довзанза дола дакъа да цун кхоллама юкъе, аьлар цо. Берашта делар поэта цхьацца дола поэтически книжкаш, цар къаьга хьагойт Есенин Сергея начӀал», - аьлар «Сердало» газетага кхоллама сайре дӀахьош. ЦӀаккха а довргдоаца есенина мугӀараш юха а дагаухар царна, хоалуш хилар дега йӀовхал, сердал. Есенина кхоллам ца безаш цхьаккха а хиланзар царех.