«Илдарха-ГӀалан № 1 йолча ишкола дешархой таро хилар проекта финале бала. Из вӀашагӀделлараша баркал аьлар массайолча тоабашта, цар яхье дика дакъа лацарах. Хьаькъалерча яхьаша къаьгга хьагойтар, деррига бераш дегӀадара тӀакхувш хилар а, дешара дика толамаш даха уж кийча хилар а. Россе президента администраце кулгалхочун хьалхарча заместитела Кириенко Сергейс цига дакъа лоацаш мел хиннараш даькъалабийцар, цо белгалдир Россе хӀара дешархочун тахан дешара мел эша таронаш хилар», — аьлар «Сердало» газетага ГӀалгӀайчен кагирхой гӀулакхех йолча комитете. Хьаькъале яхь дӀахьош яр Россе юкъарло «Дешар», иштта Россе берий, кагирхой «Хьалхарбарий болам».