Ишколе эшаш йола хӀамаш лургья Шолжа-Шахьарерча берашта
21.08.2025 09:34
«Ишколе даха кийчде бер» яха болам хьаллаьцар Шолжа-Шахьаре. 300 совгӀа бера, дешара шу дӀадоладеш, эшаш мел бола кхоачам чубола портфелаш лургда. СВО доакъашхой, вахара хьал хала долча дезалашкарча берашта лургда совгӀаташ.
Цу кхетаче дакъа лоацаш хилар шахьара да Ӏумаранаькъан Аслан, цун гӀонча Дзаьзганаькъан Муса.
Шахьара администраце белгалдечох, тӀема доакъашхой берий, таро хала йолча фусамашкарча берий дог хьаста дӀахьош да из гӀулакх. Вай мехкадас Келаматанаькъан Махьмуд-Ӏаьлас соцам баь дӀахьош ба, Паччахьалкхен Думан депутат волча БӀарахой Бек-хана хьаллоацаш бола из болам.
Вай мехкарча 5 эзар совгӀа долча бера дог хьоастаргда цу боламга гӀолла.
