Дешархой бех лоӀамхой боламе дакъа лаца
ГӀалгӀайчен лоӀамхой тароний центра кулгалхо Галай Назир ваха хилар ТӀой-Юртарча №4 йолча ишколе, цо берашта дийцар кастлуш дӀабахьа лерхӀача юкъарча боламах, безам бола дешархой-лоӀамхой цига дакъа лаца йиш йолаш хиларах. Дукхача дешархоша боккхача теркамца ладийгӀар цу къамаьлага, царна дийцар лоӀамхой болам яхар фуд.
«Назира дийцар лоӀамхошта юкъе ше мишта нийсвалар, ший толам балара оагӀув а йийцар царна. Берашта хайра лоӀамхой - из кӀалвисачунна новкъостал деш хиларал совгӀа, шоай балха говзал лакхъеш бола никъ хилар. Назираца хиннача кхетаченах, дешархошта хайра, шоаех хӀаравар турпал хила йиш йолаш а иштта дуне дикагӀа де таро йолаш а волга», - аьлар «Сердало» газетага ГӀалгӀайчен кагирхой гӀулакхех йолча комитете.
ГӀалгӀайчен лоӀамхой тароний центра кулгалхочунца хиннача къамаьло дешархой безам совбаьккхар, шоашта фу карагӀдоал хьажара.
