«Цу тайпарча кхетачен керттера маӀан да кхувш йоагӀача тIехьенна вахара никъ чӀоагIбар, нахага гIелал яхьарца ювзаенна уйлаш царна чуцайоссийтар. Тахан дунен тӀа латтача хьалах дувцаш, царна довзийт водар, дикадар, чоалхане хьал отташ хуле, мишта кӀалхарвала веза Ӏомабу. Къаьстта берий теркам тӀаоз бувзама гIирсаша, царна хьалхадоаккх наха низ бара тIахьеха йоазош хьаллаца йиш йоацилга, из уголовни бехктокхаме гIулакх долга», - аьлар «Сердало» газетага дин-эзделах, Даьхенцара безам совбаккхарах йолча комитето. Вайх хӀаранена харцахьарча хIаманна духьалъотта могаш хиларах тийша да, ГӀалгӀайчен а иштта берригача мехка а хургдар.