Терроризма духьала леладе дезараш Ӏомаду дешархошта
МагӀалбика кхалерча Южни оалача юртарча № 28 йолча ишкола дешархошца, кхетаче йир терроризма духьале лелаеча оагӀон болхлоша, дийшача наха. Дувца оттадаь керттера дош - терроризм яхача зулама духьала леладе дезараш берашта хьалхадахар, цу вонах уж лорабар.
«Таханарча дийнахьа даьржа доккха зулам да терроризм. Дукхача бехк боацача наьха вахар хоададаьд цу, дийца ца валлал доккха долча, зуламо. Дешархошца къамаьл деш, хьалхадаьккхар, цу хӀамах лоравалар мел лоархӀаме да. Цу тувлбеннача зуламхоша наьха вахара тӀакхихьача Ӏазапах дийцар гулбеннараша. Иштта йола кхетачеш тахан геттара эшаш я кагирхошта юкъе», - аьлар «Сердало» газетага МагӀалбика кхалерча администраце.
Вахара бувзамий оагӀонашка гӀолла кагирхой Ӏехабеш, цу зулама тӀаувзаш багӀарех дийцар дешархошта. Цхьаккха тайпара царца бувзам лелабе, цар дувцачунга ладувгӀа йиш йоацилга хьалхадаьккхар. Цкъа цу хӀамах хьокхавеннача сага ираз довлга, кхетадир дешархоша.
