Боахамашца ювзаенна бокъонаш меттаоттаяра тӏахьожам лоаттабергба Тохкама комитета болхлоша
Республикерча Россе Тохкама Комитета кулгалхо Асхабов Ахьмад Наьсаре бахархой тӏаийбеш хилар. Цига дакъа лаца вийха вар шахьара да вола Оздой Руслан а. Хьалхагӏа иштта йола кхетаче бахархошца дӏайихьа вар Тохкама комитета кулгалхо, бакъда, бахархошкара хаттараш сов дукха хиларах, шахьара да а цига дакъа лаца веха лаьрхӏар укх наькъа.
«Базорканаькъан цӏерах йолча проспекте латтача дукхача гӏатех долча цӏен бахархошкара, иштта Фабрични оалача урамерча барака хьисапе долча цӏеной бахархошкара дукха хаттараш хилар цига. Харцар кхерам болча цӏагӏара шоаш арабахац, цхьаккха атто яц, иштта тӏема ханашка дайнача цӏеношта меттал шоашта цхьаккха хӏама луц, цу оагӏонцара шоай бокъонаш лархӏац, яхаш, латкъаш бар нах.
Хӏара хаттар тохкаш, болх дӏахьо, аьнна, тӏадиллар ший болхлошта хьакима. Цар болх дӏахьоргба, уж деррига кхоачамбоацараш иштта хьаӏайна хӏана латт, бахархой бокъонаш цалархӏар сенца дувзаденна да хьожаш. Харцар кхерам болча цӏагӏара нах кхыча фусамашка дӏачу хӏана бахийтац хоаттаргда цу гӏулакхах бехктокхамечарга», - дийцар «Сердалога» Тохкама комитете. Цу балха хьалха латта безараш оарцагӏбоахаш, уж деррига хаттараш боаггӏача боараме доашхаргда. Цу оагӏонца дувзаденнараш мишта кхоачашдеш да хьожаш, тӏахьожам лоаттабергба. Бахархой бокъонаш меттаоттаяр лоархӏаме гӏулакх да, лакха терко эшаш.
