Следователа Интернета кхерамах дийцар, Магаса йоккхагӏча классай дешархошта
15.10.2025 09:58
Гӏалгӏайче гӏолла йолча СК урхаллен Тохкама комитета эпсара, Магаса №1 йолча ишкола йоккхагӏча класса дешархошца лекци дӏайихьар, Интернете зуламхоша кагирхой харцача наькъ тӏа боахача наха леладер дувцаш. Из хоам «Сердало» газетага бир бокъонаш лораераша.
«Тохкамхоша дийцар кхыча паччахьалкхений лаьрххӏа болча ӏаьдала болхлоша кагирхой цу мугӏарашта юкъебоахаш хиларах, иштта масалаш доаладир террористий гӏулакхашта, белгалдир уголовни бехктокхаме хилар из хьал. Цу юкъе гойтар видео, сурташ»,-аьлар хоамо.
Лекци дӏайихьар къамаьл дара кепе, дешархоша шоай хаттараш делар царна, иштта хоам бир ден-бус болх беш «лаьрххӏа йола телефон» хиларах.
Тохкама урхаллено урокаш дӏаяхьа лаьрхӏад мехка кхыча ишколашка а.
