Полковника цӏи енна шоашцара болхло даькъалавийцар вай мехкарча тохкамхоша
27.01.2026 11:43
Ший балха тӏа лакхваь эпсар даькъалавувцаш хилар вай мехкара Россe СК. Из хоам «Сердалога» бера цу моттигера.
«Вай мехкарча Россе тохкама оагӏон СК кулгалхочо Асхабов Ахьмада, ший балха тӏа лакхваь тохкама оагӏон воккхагӏвола гӏонча Семенаюк Георгий Вахтангович даькъала вийцар аргӏанарча кхетаче. РФ тохкама комитета Кулгалхочун амарца юстице полковник яха цӏи елар цунна», - йоах тхогарча хоамо.
Ший гӏулакх бехктокхаме дӏахьош хьавоагӏа эпсар теркалвир лакхерча хьакимаша. Погонаш дӏалуш хиннача Асхабов Ахьмада белгалдир, юстице полковник яхача дешо из массанена масал долаш къахьега оттавелга. Аьттонца, беркатаца, могаш-маьрша волаш, ший декхараш дӏахо кхоашдеш латта даькъалавийцар из тохкама оагӏон ерригача тоабо.
