ГӀалгӀай къаман
юкъара газет

Кердадараш

Веннача ГӀалгӀайчен МЧС болхлочунна, Денала орден елар

Россе МЧС Ногинска хатарех нах кIалхарбоахача центра болхлочунна Налганаькъан Мухьмада Денала орден елар, яхаш, дувц «Сердало» газетага ГӀалгӀай Республике гӀолла йолча МЧС зарбан болх лелабераша.

«Из деза Россе МЧСа совгIат Куренков Александра турпалхочун фусам-наьнага Налганаькъан Марийнайга дӀаелар. Балха новкъосташа яхачох, Мухьмада гойтад ший балха тӀа денал а майрал а», - йоах хоамо.

«ЦӀаккха вайна бицлургбац вай турпалхой, шоай вахаре тӀеххьарча миноте а шоашта хьалхашка латта декхар дизза кхоачашдеш уж байна хилар дагалаттаргда. Мухьмада, ший вахара кхераме бола болх из болга ховшшехь а, нах кӀалхарбоахаш новкъостал даьд.

Цу тайпара нах юкъера дӀабалар, нах кӀалхарбоахачарна йоккха вас я», - аьлар Куренков Александра.

Белгаду, хатар хинна из веннилга, тов бетта 20- ча дийнахьа, Балашиха яхача шахьаре вӀаштӀара даь цӀа чухаьрцачара нах кӀалхарбоахаш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде