Къона эскархой мохк безаш кхебар хьаллаьцар СК болхлочо
04.12.2025 10:01
Россе юриста Ди дездеш, «Авангард» яхача кагирхой Даьхенцара безам чӏоагӏбарах йолча моттиге дӏахьош хиннача кхетаче дакъа лоацаш хилар мехкарча Тохкама комитета кулгалхочун гӏонча вола Горчханаькъан ӏумар. «Сердалога» из хоам цу моттигера бир.
«Тохкама комитето, «Къона эскархой» яхача оагӏоно цхьана вӏашагӏбелла болх бар из», - йоах тхога бенача хоамо.
Лазерболах ловзаш, шоай дегӏацара низ, кадай хилар гойташ хьувзар цига къона тӏехье. Совгӏаташ, грамоташ луш белгалбир беррига доакъашхой.
Горчханаькъан ӏумара къонабарашта дийцар, юриста болх лоархӏаме хиларах, иштта цхьацца долча гӏулакхашка царца дакъа лаьцар. Даьхенцара безам, лерхӏам чӏоагӏбеш йола кхетаченаш кагирхошта юкъе дӏакхахьар тахан геттара лоархӏаме да.
