Саг вувш, зулам даь Наьсарера вахархо лаьцар полице болхлоша
15.08.2024 13:32
26 шу даьнна ший воша вийна вахархо лаьцар Ӏаьдало. Укх бетта 9-ча дийнахьа, хиннад из хатар. ВӀаший дов даьлча, зӀамагӀа волча вошас че чу урс Ӏеттад воккхагӀволча вешийна, хӀаьта из цу човнах веннав. Из хоам «Сердалога» бир МВД болхлоша.
Ше лоацача хана, Ӏаьдала болхлошта духьале еш хиннав зуламхо. Саг верах йолча статьях, гӀулакх хьадийллад цунна духьала.
Цул совгӀа, Ӏаьдала духьале ярах а бехктокхаме озаргва из. Карарча хана набахта ва ший воша вийнар.
