«ХӀанз укх сахьате, гӀишлонхоша лаьрхӀа хиннача балхах цхьа дакъа йистедаьннад. 70% аьшка гом вӀашагӀбеллаб, лаьттанцара балхаш а даь даьхад, лардаш чуеттай», - аьлар республикан гӀишлон боахаме.

Белгалдаккха дезаш да, из керда хьалъеш йола моттиг, наьха унацӀенонна чӀоагӀа эшаш я. Доал деча даькъ тӀа цу тайпара гӀишло хьалхара еш а я. Цхьаццайолча социальни таронашта из юрт тӀехьаюсаш хиларга диллача, ФОК хьалъяр доккха совгӀат да. Цул совгӀа,  наькъа  юхе а я, вахара-вара атта а я.

Укхаза гӀишло яра балхаш дӀахьош я «Экострой» ООО. Контракта мах ба 160 миллион сом. Ер шу чакхдоалаш из хьалъяь яргья.