«Саг бахьане 2024» яхача яхьашка дакъа лоацаш ба вай МЧС болхлой
«Саг бахьане 2024. Профессионалий лига» яхача ерригача Россе дӀахьош йолча, наха гӀо дарах йолча яхьашка дакъа лоацаш ба, вай мехкара МЧС болхлой. Из хоам тха газетага бир МЧС зарбан болх лелабераша.
Кхаь даькъах латташ я уж яхьаш. ВКС яхача оагӀонгара хилар дӀаболабалар. Хатара юкъе нийсбеннача наха, массе оагӀорахьара гӀо дар гойташ бар доакъашхой. Геттара чӀоагӀа бохам, халахетар хиннача наха; психологически оагӀонцара новкъостал дара проект кийчъе езаш бар уж.
«Йиллача хана из деррига даь йистебаьлар вай МЧС болхлой. Яхьаш йистеяьлча хьакхайкадергда цох хьахиннар. Уж яхьаш дӀаяхьара керттера бахьан - сага вахара, могашала Ӏоткъам беш долча хатара юкъе нийсбеннача наха гӀо дара кийчо Россерча МЧС болхлой малагӀча боараме латт тахкар», - белгалдир МЧС.
