Яхьашка дакъа лаьцар вай мехкахоша
Ингушские спасатели вновь подтвердили свой высокий профессионализм и уровень специальной подготовки, заняв второе место на крупных соревнованиях на звание «Лучшая команда СКФО по проведению аварийно-спасательных работ при ликвидации чрезвычайных ситуаций на автомобильном транспорте». Соревнования, проходившие в Кабардино-Балкарии, собрали 13 сильнейших команд-участниц, которые представляли пожарно-спасательные и поисково-спасательные подразделения МЧС России всех субъектов Северо-Кавказского федерального округа.
Балкхарой мехка дIахьош хиннача яхьашка Къилбаседа Кавказера 13 дикагIйола тоаба яр. Уж бар, цIи яьлча, саг вайна, лозаваь хатар хилча, оарцагIъухаш бола МЧС болхлой. «ХIара тоаба, авари хиннача хатаре оарцагIъухача виъ сагах латташ яр.
Царна хьалхашка лаьтта декхар — авари хиннача моттиге, ма хулла сихагIа машена чура лозаваь саг хьаараваьккха, цунна эшаш дола хьалхара гIо дар. Боккъонца из хIама эттача санна, хьовза безаш бар яхьашка дакъа лоацараш. МЧС вай мехкарча моттига кулгал деш волча инарал-майора Надежин Михаила баркал аьлар, лакха говзал хьокхаш, шоашта хьалхашкара декхараш кхоачашдаьча болхлошта. Цо белгалдир, шоай балхаца дуккхача шерашка Iомаяь говзал цар хьахьекха хилар. Шоайла пайда дIа-хьа эцаш, дIадихьар из гIулакх хатар хиннача моттигашка эггара хьалха гIо де ухараша», — дийцар тха газетага МЧС болхлоша.
Цхьайолча профессешка саг цаховш, дагадоацаш нийсвала йиш яц! Царех я наха оарцагIъухаш йола професси. Цу наха лакха майрал хьокхаш, моллагIча моттигера нах кIалхарбоах, эггара хьалха оарцагIъух. Вай мехкара цу даькъ тIа болх бераш, деналца шоай декхараш кхоачашдеш хьабоагIа дуккхача шерашка.
