ГӀалгӀайчен РСХЦ болхло РФ АПК дикагӀболча менеджерашта юкъевахав
ГӀалгӀай Республике гӀолла йолча Россельхозцентра керттера агроном Сампенаькъан Ӏусман «Лаьттан тух. АПК-2023 дикагӀа бола менеджераш» яхача, Россельхозбанка хьалхадаккхарах менеджерий Ассоциаце дӀахьош хиннача рейтинга юкъевахав.
«Лаьттан тух. АПК-2023 дикагӀа бола менеджераш» агропромышленни комплекса дикагӀа болча говзанчий лаьрххӀа йола рейтинг я, из вӀашагӀъеллай Россе 2023 шера.
Дика хет цунна ГӀалгӀайчен викал юкъеваха, вай урхаллен болхло Сампенаькъан Мухьмада Ӏусман», - аьлар ГӀалгӀайчен РСХЦ. Сампенаькъан Ӏусмана ГӀалгӀай Республике гӀолла йолча юртбоахама центре къахьега 14 шу да. Шиъ лакхара дешар дийша ва из.
Хьалхарча аргӀагӀа цо яьккхай Ставрополера политехнически институт; цул тӀехьагӀа, «Ӏилманхо агроном» яха говзал Ӏомайир цо, ГӀалгӀайчен паччахьалкхен университета агроинженерни факультете.
