РСХЦ филиала болхлоша кийчбу шоашта когаметта дIаоттаргбараш
Дешархошта лаьрхIа «Къонача ахархой клуб» яха моттиг хьайийллай вай юртбоахама гIулакхах болча оагIоно. Шолжа-Шахьарерча Келаматанаькъан Iалихана цIи лелаеча № 4 йолча ишколе дIахьош ба из болх. Из хоам тха газетага бу РСХЦ зарбан болх лелабераша.
Берашцара эггара хьалхара урок дIайихьараш бар РСХЦ филиала кулгалхочун гIонча йола Мураданаькъан Марем, тохкама балхаш дIакхухьача лабораторера микробиолог Цукумова Татьяна.
Дешархошта цар дIабовзийтар юртбоахама гIулакхах болча оагIоно вай мехка дIахьош бола болх, лабораторерча тохкамех дийцар.
«ДIахойодача хана а, дIакхахьа лерхI дешархошца ахархой гIулакх довзийташ йола урокаш. Беркате лекцеш кийчъергья берашта, вай мехкарча юртбоахамца ювзаеннача моттигашка гIолла экскурсеш ергья», - дийцар тха газетага.
