Хьун хьалага хьожаш ба, цу даькъ тӀара болхлой
01.11.2023 10:35
«Рослесозащита» яхача ФБУ даькъ тӀарча болхлоша, хьунагӀа ягӀача гаьний хьал тохкаш, болх дӀабихьар. Мужечара хьун моттигаш тохкаш, гаьний могашал малагӀча боараме я хьожаш, хилар къахьегамхой. Из хоам «Сердало» газетага бир хьуна тӀахьожам лоаттабераша. «БархӀ моттигера гаьнаш малагӀча хьале кхаьчай хьежар уж.
7,0 эзар гектар дола хьун доазув да цига дувцар. Соахка дӀабихьача балхага хьежача, кхы доккха хувцамаш хинна моттигаш яц. Дукха ха яьннача гаьний хьал хувцаденнад, шоаш къаяларга диллача. Кхы дӀаходар хьаийцача, хьун хьал во дац. Хан-ханнахьа цу тайпара болх дӀакхахьар лоархӀаме да хьунашта. Гаьнашта лазар хургдоацаш, хьун кхоачам талхаргбоацаш лелабеш болх ба из. УнахцӀена хьу хам баь варгвоаца доккха беркат да дерригача дунен!
