ИнгГУ психологически гӀулакха говзанчаша гӀо ду
ГӀалгӀай паччахьалкхен университета психологе кафедран психологически новкъостал дара йола центр болх беш йола дукха ха я, цунгара новкъостал дезаш ух хьехархой, студенташ. Укхаза новкъостал ду цхьадола цатоамаш юстардоахаш, яхаш, дийцар «Сердало» газетага университете.
«Кафедра хьайийллачул тӀехьагӀа, дукха студенташ ухар психологически новкъостал эшаш. 2017-ча шера тха консультаце кабинет хилар, хӀаьта ши шу хьалха университете психологически гӀулакх ду моттиг а вӀашагӀъеллар. Оаха хьехам балара новкъостал ду, цхьаццайолча тоабашцара болх а дӀахьу.
Студентий гаргарча наха а новкъостал лоаттаду эшача хана; цхьайолча хана студенташа шоай да, нана, цӀагӀара боккхий нах хьабоалабеш а моттигаш нийслу. Дукха ха йоацаш тхо долча аха болабеннаб СВО доакъашхой, цар дезалаш», - аьлар ГӀалгӀай паччахьалкхен университета психологе кафедра кулгалхочо Тоачанаькъан Марема.
Таханарча заман саг каст-каста психологически новкъостал эшаш хул, хьалхашка нийслуш йола халонаш мишта ла еза цаховш а хул. Цу хана цунна новкъостал де накъаболх психологически гӀулакха говзанчаш.
