ГӀалгӀайчен Парламента кулгалхочун кхетаче хилар, бӀун тохкамхой кулгалхочунца
ГӀалгӀайчен Халкъа Гуллама кулгалхочо ТӀумхой Мухьмада укх деношка балхаца ювзаенна кхетаче хилар 42-ча мотострелкови бӀун тохкамхой кулгалхочунца, командира декхараш кхоачашдеш волча подполковникаца Ӏалбаканаькъан Адамца, яхаш, дийцар «Сердало» газетага Республикан Парламенте.
Цу кхетаче иштта дакъа лоацаш хилар Российски Федерацен герзашцарча низий ветеран Лаьнанаькъан Зураб, иштта ГӀалгӀай Республикан Халкъа Гуллама лаьттан политиках, Ӏалам леладарах йолча комитета председатель Дарсиганаькъан Мухьмад», - йоах хоамо.
Ӏалбаканаькъан Адама дийцар, вай бӀухоша тӀема мугӀарашка доахача толамех, цар амал дарах лаьца, эшача хӀаманца Ӏалашбарах, бӀухой хьаштех, цар хӀара денна моастагӀа эшавеш хиларах.
ГӀалгӀай Республикан парламента хьалхалаттача ТӀумхой Мухьмада баркал аьлар тӀема эпсара, берригача салташта, тахан тӀема хьалхарча мугӀарашка латтарашта; цар денал, майрал гойташ; шоай тӀема декхар дизза кхоачашдеш хиларах. Цо белгалдир, республикан кулгалхоша массайолча оагӀорахьара новкъостал деш хилар, бӀухошта а цар дезалашта а.
