Гӏалгӏай Республикан спикера дакъа лаьцар, законаш хьакхолларий Кхела Президиума балха юкъе
Паччахьалкхен Думе закон хьакхолларий Кхела Президиума кхетаче хилар, РФ Федеральни Гуллама чуйоагӏаш. Кхетаче дӏахьош дакъа лоацаш хилар Федераце Кхела чуйоагӏача, Гӏалгӏайчен паччахьалкхен законаш хьакхоллача моттига викал Тӏумхой Мухьмад.
Кхетаче дӏахьош бар Паччахьалкхен Думан Председатела гӏонча Яровая Ирина, Федераце Кхела Председатела Хьалхара гӏонча Яцкин Андрей. Кхетаче хьаеллаш, Яровая Иринас белгалдир, РФ законаш хьакхоллара йола моттигаш, ма хулла дукхагӏа юкъейоагӏаш я, аьнна, Паччахьалкхен Думан балха, къаьстта моттигерча бокъоний хаттараш тохкаш.
Цо иштта хоам бир, керда моттигаш дегӏайоалаяра лаьрхӏа, 2026 шера 300 млрд сом бюджета юкъедаха хиларах. Иштта депутаташа 70 закон тӏаийцад Россе йиъ моттига бокъонаш оттаеш.
Кхетаче дӏахьош, Яровая Иринас хьалхадаьккхар юстице министра 2026 шера де дезача балхашта ДНР, ЛНР, Запорожски, Херсонски областаш хьаллацара хаттар юкъедаккхар. Юстице Министра Чучейко Константина дийцар кердача моттигашка бокъонаш хьакхоллара даькъ тӏа баьча балхах, цо белгалдир федеральни чӏоагӏон юкъейоагӏаш хилар, 6,5 эзар тахан цу доазон тӏа лелаеш йола бокъо.
Хьакхийттача мехкашка бахача наха социальни новкъостал дарах дийцар статс-секретара - къахьегама, вахара ӏалашон Министра гӏончас Пудов Андрея, цо чӏоагӏдир, шоашка деррига федеральни хьалаш хьакхоачаш хилар.
Транспорта Министра хьалхарча гӏончас Пашков Константина хоам бир шоаш лаьрхӏа хиларах 4,9 эзар километр никъ ӏобилла Донбассе, Новороссе 2026-2030 шерашка.
Иштта заседане къамаьл дир унахцӏенон министра Мурашко Михаила, дешара министра Кравцов Сергея, берий могашалах а дешара моттигех а лаьца.
