ГӀалгӀай къаман
юкъара газет

ГIалгIайчера спортсмен Ерригроссе турнире котваьлар

«Ади-Ахьмад» яхача спортивни клуба спортсмена эллинхой-румий латарах дIахьош хиннача Ерригроссе яхье дото майдилг елар. «Россе Кубок» яха къовсам дIахьош бар 18 шу даьннарашта юкъе, аьлар «Сердало» газетага ГIалгIайчен спортивни латара Федераце.

Яхь дIайихьар Олимпийски чемпиона Парфёнов Анатоле сийна Нижегородски областа Бор яхача шахьаре. Цига Дзейтанаькъан Махьти латаш вар, 60 кг дозал долаш. Из яхьеваьлар Московски областа вахархочунца, цига чаккхе хилар 9:6. Цу коталоно таро хилийтар спортсмена Россе ондаргий гулъяьча тоабанна юкъеваха«, — аьлар хоамо. «Махьте финале 6:0 йолаш чаккхе хилар, бакъда цхьа зIамига кхоачамбоацар юкъе нийсдаларах, цунна хьалхара моттиг яланзар. Кийчлуча хана кхоачам болаш къахьега вIаштIехьдаьннадеце а, Дзейтанаькъан Махьте ший мохк дикача толамашца гойтар. Кастлуш из кийчлургва Россе-2024 яха хьалхле йоаккхача ваха. Цига хургба Европа, дуненна Хьалхлене дакъа лоацараш. Оаха теркалдергда дIайихьача спортивни яхьашка хинна кхоачамбоацараш, цудухьа лерттIа кийчлургда», — аьлар ГIалгIайчен спортивни латара Федерацен президента Белхарой Руслана.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде