«Из кхетаче дӀаяхьа лерхӀ «Соче парке», иштта «Латара академе» даькъ тӀа, ардара бетта 7-ча денгара 14-ча денга кхаччалца. Россе массайолча моттигашкара дзюдоисташ турнир дӀахьоча хана, цу яхьий доакъашхой хургба, цар таро хургья Россе спорта хьалхле лелаеча болхлошкара йоккха говзал хьаэца. ГӀалгӀай Республикера цига хургва 2016 шера дзюдох Олимпийски котало яьккха Халмарзанаькъан Хьасан. Цул совгӀа, цига нах Ӏомабеш, говзанч-хьехам луш хургба Россе ондаргий вӀашагӀтехача тоабан воккхагӀа вола тренер Пуляев Михаил, СССР спорта мастер Крищук Юрий, Олимпийски чемпион Мудранов Беслан, иштта ФДР судейски комиссена керте латта Евгений Кудрин», - аьлар паччахьалкхен болхлоша.