Долакха-Юртарча спортсменаша толам баьккхар ЕFC ММА Россе Кубке
Долакха-Юртарча спортсменаша толам баьккхар, Россе Кубок дӏахьош, вӏашагӏъийнача EFC MMA латарах, яхаш, дийцар «Сердало» газетага котбаьннарий тренера Геласханаькъан Ӏаддала.
«Кхаь дийнахьа Нальчик оалача шахьаре къовсам дӏабихьар начӏал долча спортсменашта юкъе, цига бар мехка тайп-тайпарча моттигашкара спортсменаш. Долакха-Юртарча Берий-ондаргий спортивни ишкола викалаша 14 дошо, 3 дото,5 борза совгӏаташ даьхар.
Ӏарчакханаькъан Ахьмад, Гаданаькъан Мухьмад, Хутенаькъан Заьлмаха, Манкенаькъан Юсуф, Келиганаькъан Мухьаммад, Гӏарбакханаькъан Мухьаммад, Ӏарчакханаькъан Мухьаммад, Гӏарбакханаькъан Хьамза, Ӏарчакханаькъан Ислам, Гаданаькъан Мухьаммад, Ӏарчакханаькъан Жабраил, Баркинхой Мухьаммад, Дударанаькъан Ӏаддал, Геласханаькъан Мухьаммад лакхарча лагӏа тӏа эттар.
Гасаранаькъан Мухьаммада, Гӏарбакханаькъан Ислама, Осменаькъан Мухьмад-Амина дото совгӏаташ даьхар.
Кӏанташанаькъан Исмаӏала, Гаракхой Ибрахӏима, Султиганаькъан Микаила, Олганаькъан Ӏаддал-Малика, Гайтанаькъан Мухьмад-Амина борза совгӏаташ даьхар», - аьлар тхога хоам баьчо.
