Эггара къаьнагӀа болча бахархоша шоай декхар кхоачашдир
ГӀалгӀай паччахьалкхен ханара йолча, 100 шу даьннача МагӀалбикерча Оздой Зейдата, Хьуле вахача 91 шу даьннача Иленаькъан Берста дакъа лаьцар, РФ Президент хоржаш. Хоржамий хьалхарча дийнахьа, шоай кхадж тессар цар, цу доккхача гӀулакха юкъе. Из хоам «Сердало» газетага бир Мехкадаь зарбан болх лелабераша.
Ха яхарга хьежжа, хоржамаш деча моттигашка хьабахка низ бацар цар, цудухьа хоржамаш ду яьшка а сомех дизза тускар а ийца, дӀабахар уж бахача фусаме. Хьаьшашта чӀоагӀа раьза йолаш, хьайзар Зейдат. Когаш тӀа ураотта могаш еце а, берригаш мархӀабохка ловш яр из. 100 шу доаккхаш, дунен тӀа яьккха ха атта хиннаеце а, дега йӀовхал, безам бовнза яр йоккха саг.
91 шу даьннача Берста, бера сулхьаш Ӏо ца доахкаш, ше дӀачакхбаьккхар каьхат яьшка чу Ӏочутассара болх.
«Дикка ха яха бале а, шоай декхар дизза кхоачашде ловш ба вай боккхий нах. Дала могаш, маьрша болаш боахаболба уж, баркал хилда царна иштта дакъа лацарах», - аьлар вай Мехкадас.
