«Росси» яхача гойтам-кхетаче, ГӀалгӀайчен стенд хьаьший теркам тӀаозаш я
«Росси» аьнна дӀахьош йолча халкъашта юкъерча гойтам-кхетаче йоаржаяьча ГӀалгӀайчен экспозиценна хьаьший теркам тӀаозаш цхьацца хӀама нийслу. Хьажа баьхкарий таро я Россерча моттига тамашийна хоза культура йовза, къаьнара гӀалгӀай къаман Ӏадат довза, лоаман мехкара хозаленаш го, дӀадахача бӀаьшерен сийдолча гӀалашка хьажа.
«Росси» аьнна дӀахьош болча халкъашта юкъерча ВДНХ гойтаме, ГӀалгӀайчено хьаьшашта йовзийт культурни программа, цунна юкъеболх халхархой, иллиалархой, къаман ашархой. Цул совгӀа, интерактивни оалача тайпара самукъадалар а да цига, цига хьажа вахача хӀара сага таро я региона хьал ма дарра довза.
«Росси» яха гойтам-кхетаче доккхагӀа дола вӀашагӀкхетар да, цо гойт вай мехкá карагӀдаьннараш. Из болх беш хургья ах шера-2024 шера бекарга беттага кхаччалца. ГӀалгӀайчен гойтам цига хургба цу ерригача хана, хӀаьта лаьрххӀа дола мехка ди цига хургда оагӀой бетта 8-ча дийнахьа», - аьлар «Сердало» газетага Москве болх беш болча вай викалаша.
Вай республика йовзаш я, ший мах болча культураца, Ӏадаташца, шоай балха мутӀахьа болча наьха хьинарца. ГӀалгӀайчен дӀаяхача заман исторена, вайцига мара йоацача Ӏалама хозаленашта кхыча паччахьалкхенашкарча туристий а безам тӀабода.
