48,6 эзар сома тӀа латтаргья, вай мехкарча квартирашкара 1 кв метр
24.11.2023 11:29
2024-ча шера, фусамашкара 1 кв метр, вай мехка 48, 6 эзар сома тӀа латтаргья. ГӀишлой балхах йолча министерствос 4% кхоачаш из мах лакхбе 2024-ча шера, аьнна, баь соцам ба из.
«Россе фусама кв метрах хьатӀадоагӀача шера хьалхарча квартале латтаргбола мах ба из. Паччахьалкхен программашка гӀолла Ӏаьдало тела ахча, харцар кхерам болча цӀеношкара нах кердача фусамашка дӀачуухийташ бола болх керте лаьца оттадаь гӀулакх да дувцар», - йоах цу даькъерча болхлоша. Эггара лакхагӀа мах Москверча цӀеной хургба - 170,6 эзар сом.
Белгалде деза, вай мехка цхьа цӀаьхха цӀеношта мах тӀадетталуш болх бац таханарча дийнахьа. ТӀехьарча шерашка республике даггара даржаш латт, вӀаштӀара даь квартирни цӀенош.
