Российский Федераце шахьара вахар цифровой даккхарга а, цун дикалга а диллача цу деша мах оттабаро хьагойт 2021-ча шера ГIалгIайчен столица, Магас, 31 административни центра юкъе, 27- ча мугIаре латташ хилар.

100 эзар саг кIезигагIа ца вахаш йолча шахьарашта юкъе да из.

Хоам бу, эксперташа итта тайпара оттабаьча лостамах, 47 хьокхам болаш из болх дIабихьа халарах. Цу юкъе доагIа: шахьара кулгалдар, хьаькъале ЖКХ, шахьара инноваци, хьаькъале шахьара транспорт, юкъарлонна а экологически а система кхерамзле, туризм, сервис, социальни хьалай система, экономически хьал, инвестице хьал, иштта бувзама мазай инфраструктура.

Белгалдаккха деза, Магасе, ГIалгIайчен дукхача дешара кхуврчашка, лакхехьа белгалъдаьхача мугIаре хьалаш дика хинналга. КIезиг-кIезиг тоалуш доагIа, региона юрташкара муниципальни боахама, цифровой трансформаце хьал.