Укх шера, чакхбаккха безача белхах да, 170 эзар квадратни метр доазув чулоацаш дола, доккха цIа хьалдар. Цу гIулакха тIехьа, эшаш мел дар, кхоачашде хьожаш ба бехктокхаме бола болхлой.

Керттерачарех дола гIулакхаш да аьнна, тахан, белгалдаь латт хьакимаша аварийни оалаш долча цIеношкара нах паргIатбахари, кхераме доаца, дика наькъаш дахкари. Россе президента баьча соцамах, гIишлонца дувзаденнараш, тахан, лакха тIахьожам болаш дIахьош да. Цу хIаман тIехьа къахьегараша яхачох, квартирий мах 10-15% лакхагIа хургбац. Болх беш боахкарашта мел эшар, таханарча дийнахьа, кийчча латташ да. Цул совгIа, доазон дехьара инвестораш Россен юкъера дIакъасташ хуле, Россерча кхуврчаша шоаш дIахьоргба из болх, эшаш мел дар шоай къахьегамца хьакхоллаш. Белгалде деза, Россе маьха лакха боаца гIишлон кхоачам хьабеш ба аьнна.

Тахан долча беркатага хьажача, Европагара хIама эшаш дац вай гIулакх. ГIишлонаш йотташ боахкарашта сигнал дIаенний, шоай болх дIаболабий чакхбаккха аьнна. ХIаьта, гIишлон кхоачам лоаттабеча кхуврчашка дIааьнна латташ да, цу хIаман тIехьа маьхаш айдара гIулакх, чакхдала йиш яц аьнна.