Прораб волча Фаьрганаькъан Аслана яхачох, 40 совгIа болхлой боахк, тахан, цига къахьегаш. «Чуреи тIереи балхаш цхьана дIахьош латт, тротуар Iобулаш боахк болхлой. Оттаяьча графиках дIабодаш ба болх. 2022-шу йисте доалаш деррига балхаш йистедаьнна хургда, Дала аьннадале», — белгалдир гIишло тоаеш воаллача болхлочо.

Кердача дарбанче шиъ стационарни отделени хургья-терапевтически, неврологически. Сменах 100 саг тIаэца йиш йолаш хургья дарбанче.

Дарбанче хьаелларга чIоагIа сатувсаш ба бахархой санна, лораш шоаш а, хIана аьлча, болх-моттигаш ца тоаш хала бу цар, тахан, болх.

Дарбанче йотта йолаяьй 2021-ча шера. Цу объекта сметни мах 250 эзар совгIа сом ба.