Вахара йоккха ши гӏишло хьалъяр, лаьрхӀача беса дӀадода
«Бахархой хьалаш хьаллацар», иштта «Дика хьалаш» яхача паччахьалкхен программашта чудоагӀаш; ГӏалгӀай мехка хьалъеш я 200 сага лаьрхӀа йола МагӀалбика психоневрологически интернат, цун контракта мах ба 1 млрд 566 млн сом, иштта тоадеш да Сурхо тӏара ветераний Цӏа, контракта мах 213 млн сом. Уж шаккхе а моттиг хьатӀадоагӀача шерга яргьярех лоархӀаш я.
ГӏалгӀай Республикан гӀишлошъяра министра гӀончас Манкенаькъан Илеза яхачох, хьалхарча гӏишлонна карарча шерара ахча дӀадахад 100% - 521 млн сом.
ШоллагӀа моттиг укх шера яь йоалаш латт. Цига карарча хана 213 млн сомах, укх ханага кхоачаш дӀадахар 171 млн сом да, цох 80% хул. Юхедисар хьадала дезаш да. ОагӀой бетта 15-ча денга кхоачаш, кассе гӀолла карарча шерара ахча 100% дӀадаха хургда», - аьлар Манкенаькъан Илеза.
