ГӀалгӀай къаман
юкъара газет

Кердадараш

Дешархошта дийцар терроризмах лоравалар, мишта хила деза

17.03.2022 11:03

Накануне, в рамках запланированных мероприятий Ингушского политехнического колледжа имени Ю.И. Арапиева, представители духовенства республики провели беседу со студентами.

Мержой Адама дийцар дешархошка, цу унзарча хIамах юстара лелар мишта хила деза. «Терроризм, таханарча дийнахьа, эггара доккхагIа дола во да! Харцнаькъа тIа баьнна болхача наха, шоашта могар ду, кхы а дуккхабараш, шоашта тIехьа а баьха, тувлабе гIерташ. Уж ба, бIехача уйлашца, низаца, шоашта хетар чакхдаккха гIертараш. Маьрша нах дIалувцаш, лелхийташ, дийца варгвоаца зуламаш доаржаду цар адамашта юкъе.

Ишттача, унзарча, моттигашка нийслу бераш а. Цу тувлабеннача наькъа тIа ваьнна водар, хIамо юхатохаш хилац», — дийцар дийшача саго.

Тахан уж тайпара вIашагIкхетараш, вай республике каст-кастта дIакхухь. Динах боахкача наха шоашта могар ду, терроризм яха зулам, цхьаккха тайпара, исламаца дувзаденнадоацалгах кагирхой дIакхетабеш.

Иштта дIакхухьача кхетачешкара, дикка пайда боал. Кхувш латтача къонабарашта лоархIаме да, из къамаьл дин довзача нахагара дIахазар. Студентий мел хиннача хаттарашта, жоп делар хьехам беш хиннараша.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде