Мержой Адама кагирхошта хьалхадаьккхар, ший уйлаш ца эшача хIамаех лораеш, баген доал деш, цIена марха кхоабаш, дIаваха веза хIаравар, аьнна. Малсаганаькъан Мухьмада белгалдир, къаьстта мархий хана, ганахьарча нахацара эздел, хоза гIулакх лорадеш хила веза саг. Шийна могачох, дикача оагIорахьа белгалвоалаш, дIабахьа беза мархий бутт.

Шера цкъа мара боагIаш боаца, камоаршалах, беркатах бизза бола ер хоза бутт боча хила беза вай хIаране дега. Дийшача наха кагирхошка дехар дир, зуламе йола хIамаш багатувсаш, увзаш долча гIулакхех лорале, аьнна. Харцача наькъ тIа ваьннача сага ший деррига вахар толхаду, наха юкъе тешам бола саг хинна дIаотта аьттув хургбац цун, кхы ше йоаккхача хана. Лорале шоаш, лорабе шоашта гонахьарбараш»!