ИнгГУ студенташ дакъа лоацаш хилар, «Россе Халкъаш» яха Дунен юкъера кӏира дӏахьош
Гӏалгӏай паччахьалкхен университета исторически факультета студенташ дакъа лоацаш хилар, Ерригроссийски «Культурай вӏашагӏкхетар» яхача кагирхой фестивале, из керттера яр «Россе Халкъаш» яха Дунен юкъера кӏира дӏахьош. Вуза викалаша Москве бихьа никъ чӏоагӏа дика хилар, цо хьаелл шоайла бувзам лелабара йоккхий таронаш. Из фестиваль чакхъяллалца, Гӏалгӏайчера историкаш бар цига дӏахьоча хьала юкъе, цар дакъа лаьцар экспертни йоккхача кхетаченашка, уж хилар мехка хьалхале лелаеча дийшача наха говзанчий хьехамаш дӏахьоча, цар гойтар «Этнокод» яхача Ерригроссийски ловзара яхьашка.
«Сердало» газетага, ИнгГУ ма-аллара, цу фестивале къаьстта йола моттиг дӏалаьцар «Культурашта юкъера бувзам чӏоагӏбар» яхача проекто. Из Гӏалгӏайчен викалий терко дукхагӏа тӏайодаш хилар, хӏана аьлча цо таро елар Россе кхыча моттигашкара баьхкача нахаца къамаьл хила, иштта царгара балха говзал эца, кагирхошта юкъера бувзам чӏоагӏбе.
Цигара цӏабаьхкачул тӏехьагӏа а, исторически факультета викалий болх цу тӏехьа чакхбоалаш бац, из хӏанз мара дика дӏаболалуш а бац. Цига дайза кердадараш, проекташ оттаяра даькъ тӏара таронаш цар дӏахо шоай балха юкъейоахаргья, хӏаьта шоаш лаьрхӏар цар шоай хьамсарча университете кастлуш юкъедоаладергда.
