«Студентий стартап» яхача яхьашка, грант кхача мег вай мехкахошта
14.03.2024 12:06
«Студентий стартап» яхача ерригача Россе дӀахьош йолча яхьашка дакъа лаьца, грант кхача мег вай кагирхошта. Из хоам «Сердало» газетага бир «Са бизнес» яхача АНО филиала зарбан болх лелабераша.
«Гранташ кхаьчарий дукхал укх шера 2 эзар Россерча студенташца йӀаьхлургья. Коталонга кхача безам болча вай республикерча студенташа керттерча платформе дӀаязбенна, проектах лаьцар цига дӀаязде деза.
ВорхӀ оагӀув ба яхьашка дакъа лоацарашта хьахаржа оттабаьраш: таьрахьий технологеш, унахцӀенон хьал лорадераш, кердадараши химически технологеши, биотехнологеш, энергетиках лаьцараш, керда говзалаш, керда прибораши царца дувзаденнараши», - дийцар тха газетага.
ХьатӀабоагӀача бетта 15-ча денга кхаччалца, дӀачуийде лерхӀ каьхаташ.
