ГӀалгӀай къаман
юкъара газет

Кердадараш

Студенташ дакъа лоацаш ба «Саг дегӀавар-2024 шу» яхача яхьашка

ГӀалгӀай Республике гӀолла йолча Россе МЧС керттерча урхаллене «Саг дегӀавар-2024. Студентий болам» яхача Ерригроссе яхьашка дакъа лоацаргдараш хоржаш бола болх дӀабихьар. Цига болхаш болча кагирхошта ховш хила деза хьалхара лорий новкъостал мишта де деза, иштта психологически оагӀув хьаллаца.

«ГӀалгӀай Республике гӀолла йолча Россе МЧС ГУ даькъ тӀа дӀахьош йола яхьаш лаьрхӀа я студенташ Ӏомабара, царна дикагӀа ховргдолаш, хьалхара лорий новкъостал мишта де деза, иштта психологически оагӀув хьаллаца. Из эшаш да, нагахьа санна сага дагадоацаш хатар хиннадале, Ӏовежа лозаваьвале, сага унахцӀенонна Ӏаткъаш йола моттиг нийсъеннаяле. Карарча шера котало къувсаш яхьаш дӀахьош хилар студентий 10 команда, уж яр республикан кхаь дешара моттигашкара - Экономикан, бокъон Колледжера; Социально-хьехархой колледжера; иштта №1 йолча Лорий-технологически колледжера», - аьлар «Сердало» газетага МЧС зарбан болх лелабераша.

Ховш дар теркамеа лоацаш, дӀабихьар яхьашка дакъа лоацаргдараш хоржаш бола болх. ГӀалгӀай Республике гӀолла йолча Россе МЧС ГУ лорий-психологически новкъостал дара отделене кулгалхочо, балха говзал йолча хьехархочо Хьулахой Луизас кулгал а деш, хало йоацаш чакхбаьлар фу хов тохкаш бола болх, цига гойтар хьалхара лорий новкъостал дар а иштта психологически оагӀув хьаллацар а мишта хила деза.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде