ГӀалгӀай къаман
юкъара газет

Даьла духьа цӀий дӀачутеларах хулаш болча пайдах, дийцар колледжа студенташта

09.02.2024 10:57

Ӏарпенаькъан Ювсапа цӀерах йолча колледже дӀайихьача кхетаче дийцар, Даьла духьа цӀий дӀачутеларо доаржадеча, хам баь варгвоацача дикаех. ЦӀий дӀачуийдеча республикански станцера баьхкача болхлоша, Хамхой Лидас кулгал деш, дийцар хьехархошта, студенташта, мел лоархӀаме, унахошта гӀо деш гӀулакх да цӀий дӀачутелар. Из хоам «Сердало» газетага бир колледжа болхлоша.

«ЧӀоагӀа беркате хилар из кхетаче. Кагирхошта дайзар цӀий дӀачутеларца дувзаденна дуккха лоархӀамедараш. Дог айденна бола кагирхой чӀоагӀо яь бар, дӀахо дӀайодача хана а, цӀий дӀачутелаш, из беркате гӀулакх доаржаде, ма хулла дукхагӀа нах цунна юкъеоза», - йоах тхогарча хоамо.

Кхетаче йистеяьлча, берригача студенташа, хьехархоша Даьла духьа цӀий дӀачуделар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде