Искусствай колледжа студенташа Оалкама концерт делар
03.11.2023 12:34
ГӀалгӀайчен паччахьалкхен искусствай колледжа студенташа, шоай хьехамчашца цхьана, концертага хьажа бийхар Шолжа кхален Оалкама баха нах. Юртарча культуран цӀагӀа луш хиннача концертага хьажа баьхкабар цигара бахархой.
«Концерте дакъа лоацаш бар хореографен отделене студенташ, инструментальни ансамблаш, трио, иштта дуэт. В. А. Когановас кулгал деш йолча халкъа инструментий оркестр геттара а хоза хеташ тӀаийцар. Бахархоша дика сакъийрдар цу кхетаче, сапаргӀатадаьнна бар берригаш а. Искусствай колледже дешаш бараша, хоза хеташ, гойтар шоай начӀал», - аьлар «Сердало» газетага концерт вӀашагӀделлараша.
