Шолжера студенташ новкъостал деш ба, Ӏаьржа хий дена хатар хиннача Cелий мехка
Шолжа-Шахьара Цӏерца къовсам лоаттаберий колледжа студенташ новкъостал деш ба Селий мехка, доккхий догӀаш дийлха цига хатар хиларах, яхаш, дийцар «Сердало» газетага дешара моттиге.
«Колледжа хьехархой Галай Асхьаб, Батайнаькъан Рашид Махачкале бахар шоай дешархошца Мерашканаькъан Алимаца, Йовлой Исламаца цхьана. Цу кагийча наха дукхаза новкъостал даьд цу тайпара хьал нийсденнача, цу юкъе Керченский даькъ тӀа мехкадаьтта бийдал Ӏояхача хана а. Укх деношка цар новкъостал дергда халача хьалашка нийсбеннача Селий мехка бахархошта», - аьлар хоамо.
«Тхо хьежаш да вай хьинар дола кагий нах юха цӀабахкарга. Колледжа кулгалхоша, берригача хьехархоша доаккхал ду цар иштта гӀулакх лацарах, тха тоаба иштта барт болаш хиларах», - аьлар цӏерца къовсам лоаттабеча колледже.
