РФ субъекташта, тIехьар тIа, 29 млрд сом хьожадергда кхаь шерагара ворхI шу даллалца долча берашта лаьрхIа
Правительство России выделит дополнительно субъектам страны 29 млрд рублей на выплаты семьям с детьми от 3 до 7 лет, заявил премьер-министр РФ Михаил Мишустин накануне во время правительственного заседания.
«Правительства, дIахо а, бераш долча дезалашта новкъостал дергдолаш я. Президента аларах хIара бетта, кхо шу даьннача берашта ворхI шу даллалца, новкъостал дергда таро йоацача дезалашта. Тахан, цу гIулакха лаьрхIа 29 млрд хьожадергда.
Из юкъе а лоацаш, деррига а федеральни бюджетера цу тайпарча лоархIамеча гIулакха аьнна, 300 млрд сом хьадейтад», — аьлар цо.
Премьер-министра белгалдир, лаьрххIа йола терко лоаттае еза таро йоацача наха.
«ХьалхагIа кхоалагIча бера лаьрхIа, хIара бетта луш долча пособена 74 млрд дIадахьийтадар. ХIаьта, карарча шера, цу тайпара луш дола пособеш кхы а дукхагIа хургдолаш 6 млрд сом дукхагIа дIахьожадаьд», — аьлар Мишустина.
Цо иштта белгалдир, ший ханнахьа из ахча дезалашка дIакхачийтар а цунна тIахьожам лоаттабар а, мел лоархIаме да.
Эксперташа яхачох, тахан Россе бахача дукхача дезалла цунах доккха новкъостал хул. ХIаьта, Къилбаседа-Кавказа регионашка цу тайпара дезал къаьстта дукхагIа хул, царна из, геттара а эшаш дола новкъостал да.
