Судо тохкаргда, 2 кийла совгӀа наркотикашца дувзаденна гӀулакх
ГӀалгӀай Республикан прокуратуро чӀоагӀдир, дукха наркотикаш яьхача Вологодски областа 22 шу даьннача вахархочунна духьала уголовни гӀулакх хьаделлар, яхаш, дийцар «Сердало» газетага ГӀалгӀай Республикан тӀахьожама боахаме.
«Уголовни гӀулакх йистедаьлар, ГӀалгӀай Республике гӀолла йолча Россе УФСБ тохкамца. Цига белгалдир, 2023 шера Ӏай из ГӀалгӀайче вена хилар, цо къайлагӀа ши кийла совгӀа мефедрон эцар.
Цунна хьалхашка лаьтта декхар дар, из дохьаж зӀамигача тӀормигашка дӀа-юха а дийкъа, Владикавказ-Шахьаре ше Ӏеш волча квартире леладар, цул тӀехьагӀа, кӀезиг-кӀезига дохкаргдолаш», - йоах хоамо. Бакъда, из кхоаванзар нах юкъе зулам доаржаде. Из хьалаьцар, наркотикаш шийца йолаш. Из доацаш а цунгара гучаяьлар кхыйола зуламе хӀамаш.
Из лаьца чувеллав, цун уголовни гӀулакх ГӀалгӀай Республикан Магаса кхален суде дӀадахьийтад. Хоам бу, цунца бувзам лелабаьрий гӀулакх къаьстта тохкаш да.
