Теш хинна эттача сага тохкамхошка харцо ювцарах, гӏулакх хьадийллад мехка
Тохкама оагӏон болхлошка хӏилла ювцарах, суде бехктокхаме озаргва мехкахо. РФ УК 1- ча даькъа 307 ст. жоп дала дезаргда цун, ӏаьдала болхлошка ше доацар дувцарах. Из хоам «Сердалога» кхаьчар мехкарча Прокуратурера.
Тха газетага бенача хоамах, РФ УК 1-ча даькъа 264.1 ст. бехктокхаме эза хиннав из саг хьалхагӏа (корта бохабеча маларах волаш, машин хехкаш лелаш шозлагӏа лацарах).
240 сахьата ӏаьдала болх бе оттавир из саг, кхаь шера машин лалла бокъо ехкаш каьхаташ дӏадаьха, иштта машин ӏаьдала болча пайданна дӏаяьккха. Цу сага вовзаш хинна, теш хинна эттача сага тохкама оагӏон болхлошка дийцар машин из хӏама хилале ше цу сагагара ийца хиларах, цун да ше хиларах.
Тохкама болх дӏабихьача ӏаьдала гучадаьлар цо харцо йийцалга. Прокурора суде ӏочудахьийта цига тохкаш латт оапаш бийцачун гӏулакх.
