«Магас пхье прокуратура цу доазон тIа дукхаза вIашкарадаь цIа хьалдара йоагIаш йола лаьттанцара бокъонаш лораяьйий хьожаш болх дIабихьар.

Балхаца ювзаенна мероприяти дIайихьачул тIехьагIа гучадаьлар, 2016-ча шера Магас пхье администраце соцамах арендах леладара аьнна «дукха квартираш йола нах чубаха цIенош, торгови центр» хьалъяра йола бокъо а йолаш Магас пхье прибрежно-паркови даькъ тIа из хилар», — йоах хоамо.

Хоам бу, цу коммерчески организаце даькъ тIа нах чубахаш хургдола дукхаза вIашкарадаь цIа хьалде доладаьд.

Прокуратуро проверка дIайолаеча хана из объект бархIлагIча этажага кхоачаш хьалъяь яьннаяр.

Деррига эшаш дола каьхаташ тахкачул тIехьагIа прокуратура кхетадир органашкара йоагIаш йола бокъонаш а йоацаш из хьалдеш латтилга, цул совгIа проект яьккха хилара каьхат а дуц, е могадеш бола болх дIабихьа хилара каьхат а дац. Из доацаш а, застройщика царна къахьийгадац уж каьхаташ дахара.

Цудухьа, РФ законах доагIаш ма-хиллара, шийгара хьалъеш йола гIишло дIаяккха езаш я из хьалъеш воаллачо, е цун чотах кхыча саго.

Пхьерча прокуратуро ГIалгIай Республика Магасерча суде искови заявлени дIаяхьийтай шийгара хьалъеш латта дукхаза вIашакардаьча цIен гIишло из хьалъеш волчунна чотах дIаяккха аьнна. Цунга хьажачул тIехьагIа ГIалгIай Республика Магассерча районни судо яхар прокуратура ма-дарра хьаллаьцад. Судо баь соцам юридически чIоагIбенначул тIехьагIа, Магаса прокуратуро из каьхат дIадохьийтаргда судебни приставай службе, из гIишло дIаяккханза яргйоацаш хилар чIоагIдеш.