Наьсарен судо, малар меннача моттигерча вахархочунгара, автомобиль хьаяьккхар
17.07.2026 22:39
Гӏалгӏайчен Наьсарен кхален судо 52 шу даьннача моттигерча вахархочоа кхел йир, шозлагӏа а малар менна из воагӏаш хиларах (РФ УК 1 д. 264.1 ст. ). Хьалхагӏа из административни бехктокхаме эзавар.
«Судо белгалдаьккхар, 2025 шера ардара бетта, из маӏа саг хьалхагӏа корта бохабу малар менна хиларах бехктокхаме эзавар аьнна доацаш, юха а «ВАЗ-2121» марка машинаца малар менна воагӏаш хиннилга. Из машина тӏара ӏоваьккхар Гӏалгӏай мехка гӏолла йолча МВД ГИБДД ДПС инспектора», - аьлар «Сердало» газетага Гӏалгӏайчен прокуратуре.
Цун зӏамига бер хилар дӏа а лоархӏаш, 1 шера корта мукъале лаьгӏъеш, цул совгӏа машинаца кхаь шера лела бокъо а йоацаш, ха техар. Цун машин паччахьалкхен болча пайданна дӏаелар.
