«94, 8% кхоачаш из декхар кхоачашде аьттув баьннаб тха. Ший ханнахьа лорашка ваха чакхвалар, чӀоагӀа лоархӀаме да сага шийна санна цун гонахьарча наха а. Халачарех лоархӀаш дола лазараш хӀетта хьакхийттача хана гучадоал каст-каста лорашта дӀатӀаухаш хилча, цунга хьежжа, дарба де а аттагӀа хул», - белгалдир вай Мехкадас, цу балхах дувцаш.

Иштта Мехкадас теркалдир, Россе президента Путин Владимира кхеллача цу программага гӀолла, мах боацаш, ший унахцӀенон хьал тахка йиш хилар доккха дика долга, цу гӀулакхах бахархошка ханнахьа кхайкарал де дезилга. Лакхача боараме дӀабахьа беза вай из болх 2024-ча шера.